Pestañas
Exposición Aquí hai tomate!
E con todo o que traballaron os alumnos e alumnas de 5º sobre o tomate, fixeron unha exposición no hall do colexio que quedou así de chula.
Aquí hai tomate!
O alumnado de 5º está levando a cabo o proxecto
interdisciplinar “Aquí hai tomate!” baseado no coñecemento de distintas
variedades de tomates, as súas características, plantación e coidado.
Primeiro eliximos e estudamos doce variedades distintas de
tomates. Unhas son coñecidas, como o Bola, o Cherry, o raf, o raf negro, o Corazón
de Boy, o Rosado, o Pera. Outras variedades son máis descoñecidos na nosa zona,
como o Muchamiel, o Montserrat, o Moneymaker ou o Andine Cornue, que ten forma
de pemento vermello.
Despois fixemos un traballo conxunto e exhaustivo das
doce variedades. Agora estamos moi atarefados preparando unha exposición para
dar a coñecer á comunidade escolar a orixe do tomate e as características das
variedades traballadas.
Tamén estamos a coidar as pequenas plantas que acaban de
nacer hai só unhas semanas. Estamos a darlles moitas doses diarias de mimos
para que medren. Cando sexan máis grandiñas
poderémolas transplantar.
Ademais, no hall de entrada do cole, estamos a preparar unha exposición sobre o tomate.
Chegou o Samaín
Os nenos e nenas de 3º de Ed. Primaria realizaron a súa parte do proxecto traballando as cabazas. Para iso, e aproveitando as datas do Samaín, fixeron un mural que se puxo no hall do cole. Neste mural podemos atopar receitas de sobremesas feitas con cabazas (como a cabaza rechea de doce) ou de comidas como a crema de cabazas ou a cabaza ao forno. Os alumnos e alumnas de 3º tamén puxeron no seu mural un conto sobre unha cabaza que quería ser sandía, adiviñas, o ciclo da cabaza e algunhas cabazas decoradas que daban mooooito medo.
Aquí tedes algunhas fotos.
Cada curso a súa especie
1º e 2º de Ed. Primaria
Dentro do proxecto "A nosa horta" 1º e 2º de
Primaria traballarán as plantas aromáticas.
En primeiro lugar abordaremos o tema teórico das
principais características, usos, coidados... de 6 variedades de plantas
aromáticas ( menta, salvia, romeu, tomiño, alfábega e lavanda). A continuación
crearemos unha horta vertical con materiais reciclados e observaremos o proceso
de crecemento das mesmas e finalmente as transplantaremos á horta escolar e
realizaremos obradoiros onde comprobaremos algunhas das súas posibles
utilidades.
3º de Ed. Primaria
Neste nivel traballaranse as cabazas. Aproveitando a plantación dunhas cabazas no
mes de maio de 2019, decidiuse terminar o proceso no vindeiro curso. Farase a
recollida das mesmas e se traballará nas materias arriba especificadas durante
o primeiro trimestre. Este período que coincide co Samaín é o adecuado para
facelo.
4º de Ed. Primaria
4º de Primaria traballará unha das especies máis
importantes do sector agrícola do noso país: os chícharos. A través de tres
tarefas farase un traballo de recompilación de información sobre esta especie e
aproveitarase a horta para sementar e recoller os chícharos na súa época.
5º de Ed. Primaria
5º de Primaria elixiu o tomate como elemento que actúe
como eixe da súa parte do proxecto da horta escolar. Partindo desta especie
traballarase a parte das plantas na materia de Ciencias Naturais, e tamén unha
parte de Historia de Ciencias Sociais.
6º de Ed. Primaria
Neste nivel a especie elixida é o millo. Esta especie
traída de América tras a colonización por parte dos españois foi sen dúbida
unha grande transformadora da economía europea. Por isto, elixiuse esta
especie, por poder traballar a través dela a materia de Ciencias Naturais pero
tamén Ciencias Sociais na súa parte de Historia, ademais doutras materias, tal
como sucedía coa especie elixida por 5º de Ed. Primaria dentro deste proxecto
para a creación dunha horta escolar.Os nosos obxectivos
(1) Implicar e comprometer á comunidade educativa
no desenvolvemento do proxecto para a mellora e conservación da súa contorna,
procurar hábitos saudables e favorecer a sensibilización ecolóxica.
(2) Concienciar aos alumnos/as sobre a influencia
que ten o horto escolar no coidado da natureza e na harmonía natural das
distintas especies de plantas e insectos.
(3) Promover a formación do profesorado e familias
para concienciarlles da importancia do Medio Ambiente como instrumento para a
educación.
(4) Afianzar pautas e normas na actitude dos nosos
alumnos, favorecendo a relación noutro contexto social e cultural e interactuar
coas familias, alumnos e profesores.
(5) Fomentar o uso das TIC nos nosos alumnos para
incorporalas como recurso no seu proceso de ensino-aprendizaxe e buscar
información sobre o horto.
(6) Desenvolver actitudes de creatividade,
iniciativa e solidariedade a través do traballo cooperativo e impulsar a
curiosidade, o respecto, a responsabilidade e o coidado cara ao Medio Ambiente
nos labores do horto, a través da observación e experimentación.
(7) Utilizar a clasificación e a seriación no
proceso de sementeira.
(8) Estimular escóitaa activa, espertar o gusto
polos textos escritos e/ou visuais para desenvolver a concentración e a
atención dos alumnos.
(9) Potenciar a aprendizaxe-significativa, valorar
a importancia que ten o substrato, a auga e a luz no desenvolvemento das
plantas.
(10) Impulsar a lectoescritura cunha disposición
positiva cara aos textos escritos en cursos inferiores de Educación Primaria e
a escritura creativa en cursos superiores, usando o vocabulario do horto
escolar.
(11) Colaborar e reciclar os residuos orgánicos,
para xerar menos lixo mediante o aproveitamento de sobras do comedor escolar e
restos das plantas.
(12) Fomentar a colaboración coas familias e o
Centro para integrar as habilidades, valores e coñecementos nas distintas
actividades do proxecto, derivados do traballo do horto na aprendizaxe
significativa dos alumnos.
(13) Potenciar o pensamento conceptual e
asociativo, fomentando a imaxinación, a creatividade e o entusiasmo
desenvolvido nos hábitos de limpeza, coidado e orde.
(14) Fomentar o consumo de froitas e verduras
variadas, relacionándoas coas estacións do ano, así como implementar o horto no
ámbito escolar como recurso didáctico.
(15) Identificar e discriminar os alimentos,
plantas e vida animal que se desenvolven no horto escolar e desenvolver a
capacidade de investigación.
Suscribirse a:
Entradas (Atom)